Re: Acoton-Grundstück Herrengasse
lieber michael
sehr liab dei antwort. hob mi wirkle gfreit. es gibt no politika de wos se für an interessiern. nichtsnutz kummt von an recht besn herrn ausn rechtn eck. der mant mia orbeitslose taugn nix und überhaupt bin i a nichtsnutz. desholb. mi hot a so a kapitalistnbude ausseghaut. in mein beruf und mein olta find ma nix mehr. trinkn tua i a. desholb geh i denan leit eha ausn weg. in de wirtsheisa wo i hingeh setz i mi in a stülle eckn. is auba liab das du mit mir redn wolltast.
oba waunst so bleibst und a wengal meine gedaunkn vertrittst is da gemeinde scho gholfn. derfst net so werdn wia de jetzigen grosskopfatn. de redn mit unsaans nua vur da wahl. nochher kennans uns nimma.
und de bürgernähe wos hin und wieda zagn is a nuar gspült. es gibt volksvabundene politika a. da joe fuchs is so ana. mit den kaunst auf an gspritzn geh. a leiwanda bursch. der bam trinkt nur a letschats schlossgoid. red oba a mit de leit recht gmiatle. und tuat a wos. de frau mondl derf ma a net vagessn. de hülft denan leit wirkle. a de frau meier. oba da rest?
michl bring schwung in den laxn haufn
dei nichtsnutz