Re: Acoton-Grundstück Herrengasse
liaba michl
sog i jo. a hofa gheat her. und a guats wirtshaus. nur da hofa is jetztn in auhof. ob der no zu uns kumma will?
do is wirkle gscheida, mia woartn no a poar jahrln bis wer mit an wirkli guatn projegt kummt. de gstettn wird jo net schlecht. mahn muaß mas holt zwamoi in joahr. und ois parkplotz in advend is a net schlecht gwesn. hob vüle leit gsegn de se durt hinstöllt hobn und am hauptplotz einkauft habn.
es wird sowiso scho vül zuvül betoniert. bin neigierig wos in sanatorium mochn wern. und nebn da feiawehr tans a scho laung umandaund. i glaub de suachn noch gold. vielleicht de gmoa? neger gnua sans jo.
soweit i was bist in schlögl sei rechte haund. sog eam er soll spoarn. unlengst hob i de rechnung fürs wossa undn kanäu kriagt. a sauerei de hochn betrege. is scho a luxus do sei häusl zum haum. i kaun nimma- mer olle joahr aufd kassa gehn und wos einzohln. wauns no amoi teirer wiad is mitn schnitzl am sunntoch a aus.
prost
nichtsnutz