noch launga zeid wida do
noch launga zeid bin i wida amoi daham. i woar jezn bei de piefke. hob do a freindin kenaglearnd. de woar gaunz liab. bei dera hob i iwan suma gwond. woar scho sche durtn bei köln ause. auwa mei saufarei hods daun aa ned ausghoidn und hod mi auseghaud.
jezn bin i wida in meina kalutn und kaun wida mei heinföda biar saufn. und des gulasch aus de dosna aa. iargendwia gfreids mi schon, daus i wida daham bin in mein purkasdoarf.
glei am saumstog bin i zu dera vaschwistarungsfeia gaunga. oiso des gulaasch wos de do ghobt haum is ned guat gwesd. vü zu müd, zweng zwife. hod enda gschmekt ois wiar a sofdfleisch. de semen woarn guad.
de feia midn karli und de aundanan buargamasda woar scho wos. scheen fia d urwaschln und fias aug. mitn biar in da haund hob i zuagschaud. de leid haum mi schif augschaud wia i zuar marschalees mitpfiffn hob. auwa i scheis ma nix des wisds eh.
am obend woarn daun wöche de oide musik gmochd haum. ear hod mid da trompetn gspüd, sie midn klaviar dazua. mi intresiard de musi jo ned. auwa de zwa haum troz dere kötn wirkle schee gspüd.
aufd nochd woid i no zun nikodemus eine ge. auwa zwa so depade haum mi ned einelosn. ana hod gmand daus baufälli is und deswegn is gspeard. is ma aa rechd. gibd ee bessane wiartn ois wia den neindeife.
da durfwiard is a waunsin. von de speklinzn hob i ma glei zwamoi gnuma. des woar guad. dear is a bereicharung fia unsa stod. i ge gearn hi. und teia is ear aa ned!
i hob a gheard daus in de rodhausstubn wear neicha is. aungebli soi ma durdn jezn guad essn kena. nuar mi losns duartn ned eine. mid meine oidn bok und da hosn de zgros is. i hob nemle ognuma. und fias neiche gwaund föd ma de mari.
jo des neiche göd. i kaun mi aun des klump ned gwena. geds eich aa a so? i tatad schoo gearn mein oidn schlei wida haum. mei nodstaund is jezn so weng. und des biar so teia.
aufd gmoa muas i aa wegn a poar sochn. mein misdkiwe haums gfladat wiar i weg woar. des san do a poar hundsgfrasda. de brauchn nemle nix zoin fia den weu dea jo ausglard wiard und ii eam zoi. drauf muas i zu meine freind in d gmoa. zun humpe oda n nöra. de wearn se gfrein.
und zua da schen frau in da vawoitung muas i aa mi aumödn. oiso auf de gfrei i mi scho bsundas. auf de edita. de is ima so liab und hülfd ma bein ausfün von de papirln. deaf daun zun fruastuk nuar a hüsn saufn. sunstn ged goar nix. in forum hob i gsegn daus da huaba nix mear schreibd. wo is den dear hikumma?
auwa den schmiarantn gibds no. dear is ned zun wegabringa. wengsd hoid ea se bolitisch zruk. woa e ollaweu a bledsin wos dea do gschrim hod.
den bam gibds aa nima. neamd dekt mear wos auf. den liar xxxxxxxx xxxxxxxxxxxxxx. vaste i ned.
de neiche schui schaud aus. a skantal! griin auf da aan seidn auf da aundan de rochen lochplotn. inan sois iwahaubt ned vapuzt sei. es is afoch a schaund mid den bau. do san de wonheisa no schena.
und parkn kaunst iwahaupt neama. nix ged mear. bin i fro daus i kan schein hob. und a so a kraxn kunt i ma ned leisdn. bin neigire ob de je wos mochn wearn. des wochnend woars iwahaubt schlim. de leid de wos de schumlasch augschaud haum san iwaroi gstaundn. und de bus von de franzosn haum de hearngosn vastöd. dausd kiwara des dalaubd haum?
jezn muas i a end mochn. zun schreibn hed i jo vüü. woar jo laung wegga.
mei drits biar woart scho auf mi
prosd
nichtsnutz